Kung Fu
7.50 42 မိနစ်များ နစ်ကီရှန်ဟာ တရုတ်မိသားစုက သမီးမိန်းကလေးတစ်ယောက်ပါ။ တရုတ်မိသားစုတို့ရဲ့ ထုံးစံအတိုင်း ငယ်ငယ်လေးကတည်းက နစ်ကီဟာ စာ၊ အနုပညာ၊ အားကစား ဘက်စုံမှာ ထူးချွန်အောင် သွန်သင်ခြင်းခံရပြီး၊ မိဘတွေ ချပေးတဲ့ ပုံစံခွက်ထဲမှာ နေရတဲ့ ကလေးမလေး တစ်ယောက်ဖြစ်ခဲ့တယ်။ နစ်ကီဟာ သူ တွဲနေတဲ့ လူဖြူကောင်လေးနဲ့ပါ လမ်းခွဲခဲ့ရပြီး၊ မိဘစိတ်တိုင်းကျနေခဲ့ပေမယ့် မိဘတွေဟာ သူ့ကို ကြင်ဖက်တွေ့ပေးဖို့ပါ စီစဉ်လာတော့ နစ်ကီတစ်ယောက် ဒဏ်မခံနိုင်တော့ဘဲ အိမ်ကနေ ထွက်ပြေးပြီး အမျိုးသမီးရှောင်လင်ကျောင်းတစ်ကျောင်းမှာ ရောက်ရှိ နေထိုင်ဖြစ်ကာ အဲဒီကျောင်းမှာပဲ သုံးနှစ်တိုင်တိုင် ကြာမြင့်ခဲ့ပါတယ်။ တစ်ရက်မှာတော့ နစ်ကီရဲ့ ဆရာ ပေလင် အသတ်ခံရပြီး ကျောင်းရဲ့ အဖိုးတန်ဓါးကိုပါ ခိုးယူသွားခြင်းခံလိုက်ရတဲ့အခါမှာ နစ်ကီတစ်ယောက် လူသတ်သမားနောက်ကိုလိုက်ရင်း သူမ စွန့်လွှတ်ခဲ့တဲ့ မွေးရပ်မြေကို ပြန်ဖို့ ဖြစ်လာပါတယ်။ သုံးနှစ်တိုင်တိုင် သူ မရောက်ဖြစ်ခဲ့တဲ့ မွေးရပ်မြေဟာ အရင်လို မဟုတ်ဘဲဒုစရိုက်မှုတွေ ကြီးစိုးနေတဲ့အခါမှာတော့ နစ်ကီတစ်ယောက် လူသတ်သမားကို လိုက်ရှာဖွေရင်းနဲ့ တစ်ဖက် ဒုစရိုက်မှုတွေကိုပါ တားဆီးရတော့မှာဖြစ်ပါတယ်။
