SamSam
5.00 77 မိနစ်များ စကြဝဠာထဲကဂြိုဟ်အသီးသီးမှာ နေထိုင်ကြတဲ့လူမျိုးလေးတွေအကြောင်း ဇာတ်အိမ်တည်ထားတာပါ။ ကားနာမည်က ဇာတ်လိုက်ကောင်လေးရဲ့နာမည်ပါ ကားလေးက အစပိုင်းမှာအမြင်ဆန်းပါမယ်။ ၃မိနစ်လောက် ကြာရင်တော့ ဆမ်ဆမ်ဆိုတဲ့ အနီရောင်ဂြိုဟ်ပေါ်က ကောင်လေးနဲ့မက်ဂါဆိုတဲ့အစိမ်းရောင်ဂြိုဟ်သူမလေး တို့ရဲ့ဘဝကွာခြားပုံကို သိသိသာသာမြင်ရမှာပါ။ ဆမ်ဆမ်ရဲ့မိဘတွေက သားသမီးကိုနားလည်မှုနဲ့ ထိန်းကျောင်းပါတယ် မက်ဂါလေးကတော့ ချုပ်ချယ်ခံရပါတယ် ဘာလို့ဆိုမက်ဂါ့အဖေက ရက်စက်တဲ့ အာဏာရှင်ကြီးမလို့ပါ။ မက်ဂါ့အဖေကြီးဟာ ကလေးတွေရဲ့ အပျော်အပါး ကိစ္စတွေကို မုန်းပါတယ်။ စကြဝဠာထဲမှာ လူကြီးရောကလေးပါ အစွမ်းတွေရှိကြပါတယ်။ သူများကလေးတွေထက် အစွမ်းရနောက်ကျနေတဲ့ ဆမ်ဆမ်လေးဟာ အိမ်ကိုလိမ်ပြောပြီး ကျောင်းလာတက်တဲ့ မက်ဂါလေးနဲ့ခင်သွားပါတယ်။ ဒါပေမယ့် မက်ဂါက လူတိုင်းမုန်းတဲ့ ဘုရင်ကြီးရဲ့သမီးဆိုတာ သိသွားကြတဲ့အခါမှာတော့ ဇာတ်လမ်းလေးဟာ အချိုးအကွေ့လေးတွေနဲ့ကြည့်ကောင်းပါတယ်။
